مجلة رؤية قلم / خلاص أنسى ياقلبى / بقلم / محمد لبيب / تحياتي وفاء غريب .....
خلاص أنسى ياقلبى . الحزن عدى وفات
ما باقى غير دقايق . وتكون فى الذكريات
مين ها يســـأل عليك . ولا يشتـــاق اليــك
خلاص بلاش تنادى . فى شئ راح ومات
أسجد وسلم أمــورك .. للى خلق أمـــورك
بلاش نبضك يسرع .. ولا يظهر جنـــونك
على ايــه والكل رايح ... وسايب كل حاجـة
ما تبقى غير مشاعرك .. ذكرى فى تاريخ عيونك
أدى البحر قاســـى ... فيه الموت تماسى
ياخد الروح ما يشبع ... ويبلع ما فيه وماشى
حتى شراع حبايبة ... دايقين عزاب عمايلة
لا صـــــيد فيه بينفع .... ولا أنين أهـــــاتى
غلبان على الرزق بحــر ..فى حلقه كله سكر
فى مركب أخر حياته . قال ايه رايح يحرر
ما يعرف ان الموجه عالية...فى وسط موج ما يرحم
مات الشباب ومدد ... وخلى القلب مـــــرر
وعل الشط شوفت ابنى ... مات الحلم فيه
فوق رمال التمنى ..... وأنطفى نور عنيه
خلاص أنسى ياقلبى ... يعيش الحلم تانى
ولا افكر ياخدنى .... حضن أبنى عليه
...............................
خاطرة // بقلم . محمد لبيب
ليست هناك تعليقات