مجلة رؤية قلم / آه آه ع الدموع / بقلم / الشاعر وحيدعلي محمدحسين / تحياتي فاء غريب.....
آآآآآآآآآآآآآآآآآآآآآآآه آه
آه ع الدموع
آه ع الدموع
لما بتهرب من عينينا
في ناس كتر
نفسهم يشفوها دايمه
ويقولوا انتهينا
نفسهم ضحكتنا تروح
ويقولوا انحنينا
صعبة الدموع
لما بتكون م الحبايب
وبإيه يفيد العتاب
والقلب دايب
ومش ممكن يطيب
عايزنا نفضل ننجرح
وما نقولش عيب
على كل كلمة وكل حرف
ولو جينا نشكي
يطلعولنا بألف ظرف
هي الظروف مابتنتهيش
نفضل نحب وننجرح
ولو جينا نطلب حقنا
يقولوا مافيش
دموعنا مش جوه العيون
لو عالعيون كانت تهون
دموعنا دي جوه الصدور
ما تحس بيها غير القلوب
قلوب وفت ما بتعرف تخون
هي الليالي ليه طولت
والسما ليه غيمت
نفسنا نفرح بقى
ولو ليوم
حاولنا نغير ف الوشوش
لقينا ناس ما بيرحمش
يا ناااااس قولوا لنا
العيب ف مين
العيب فينا ولا فيهم
حبينا دايماً وانجرحنا
الله يجازيهم
قلوبنا دي بتدعي عليهم
كل ليلة وكل يوم
م اللي شفناه ف حبهم
خلاص قلوبنا اكتفت
وخلص معانا وقتهم
في ناس بتبكي كل يوم
وناس بتفرح يوم ويوم
وناس الخيانة ف طبعهم
وناس عايشاها والسلام
وهما دول يا بختهم
شعر/وحيدعلي محمدحسين
ليست هناك تعليقات