مجلة رؤة قلم / ولأن.الواصل م الفاضل / بقلم / عادل_عوف / تحياتي وفاء غرب.....
ولأن.الواصل م الفاضل
فاصل حاجتين
حاجه بس تملي بتجمعهم
من نظرة عين
احساس غشامي لكن صافي
الضحكه سلوك عنده إضافي
والحضن الكاجول مش دافى
ضُم الدراعين
أنا صاحب صاحبي اللي شاركنى في الحلم زمان
والحلم اتمحور وتحور قدر الإمكان
خد واحد منا
فأمنا
إنها أرزاق
والتانى اهو واقف مستني حكم الرزاق
ما تمد الخطوة قصاد منك في السما فدان
ومراكب على شكل كواكب كلها ألوان
ونجوم فيروزي بتتمايل عناقيد لبنات
ما تمد الخطوة وابني لنا يا بنى البنيات
ومكاحل ترسم أنوائها في عيون الليل
والفجر مزرجن واهو حالف مايكونش بديل
إزاي الناس لما بتوصل تصبح تماثيل
مشاعرها تموت علشان كرسي وحبة جنيهات
ليست هناك تعليقات