مجلة رؤية قلم / رغم الحزن / بقلم / رضا أبو الغيط / تحياتي وفاء غريب.....
رغم الحزن..... اللي مخبيه
بااضحك ع الاحزان وبعيش
رغم الجرح....... العايش بيه
ألمي بيغزل..... للطير ريش
لجل يطير .......ويحلق فوق
لما الشمس .........تشاور ليه
لجل الطير ......م الهم يفوق
لجل تزور ......الفرحه عينيه
رغم الحزن ......ودمع العين
قادر أشوف ....السكه منين
قادر أخرج.. م اللي انا فيه
وازرع فرحي. ... بالفدادين
لجل قلوب..... الناس ترتاح
لما الشمس تطوف بالخير
شايله ف ايدها أحلي صباح
للي مناه ف الكون ده يطير
عمر الحزن..... ما هنا قلوب
ولا يوم داوي جراح مظلوم
أوعي تخاف وتعيش مغلوب
أو تتمني .......تعيش مهزوم
ابدر خير ......ف قلوب الكل
عمر الخير ...ما بيطرح شر
افتح يوم........ للحب يطل
طعم الحب ...... يحلي المر
**************************
رضا أبو الغيط
ليست هناك تعليقات