(( آه يا عينية )) للشاعرة ~~~~~ زينب سالم
أه يا عينية
شعر / زينب سالم
بقى لك كتير ناسيني
ولا حتى واحشاك عيني
عامل تقيل و أتاريني
على تقلك مش قادرة
من خوفي عليك ملهوفة
و كاني جواك مخطوفة
عملت عيني مطروفة
و جريت عليك محدوفة
أبكي و كاني مش قادرة
جريت علي بسرعة و خفة
قربت و باين جواك لهفة
كمان بحبي جواك شايفة
لكن ليه بتخبي مش عارفة
قلبي زاد حبه مش قادرة
ثابت انت عالمبدأ و ساكت
لما بتزعل تفضل بعيد صامت
و انا ألف و ادور و عينية شافت
عواطفك في قلبك عادت
لما لقيتني تعبانة مش قادرة
لعينية بتدور على قطرة
ناديتك و انا لسة فاكرة
قد ايه من حبك مش قادرة
بقلمي : زينب سالم
2016/6/3
ليست هناك تعليقات