(( آه يا غادر )) للشاعر ~~~~~ صابر الطوخي
آه ياغــــادر
إتعلمـت الغـــــدر فيـا
آه ياقـــادر
يابوقلب مفيهوش حنيه
آه ياغـــادر
هان عليـك تقسي عليا
آه ياقادر مصعبش عليك
دموع عينيا
آه ياقــــادر
ياللي قلبـــك من حجر
آه ياغــــادر
انـت ايـه مش م البشـر
كنت فاكــر
انك بتخـاف منى عليــا
كنت فاكــر
ان حبي عليـــك شـويه
اتاريك واخــد ع الجرح
وع القســيه
أتاريـك كنـت القـــــدر
وانا الضحيه
آه ياغــــادر
اتعلمــت الغـــــدر فيا
اه ياقــــادر
هان عليـك دموع عينيا
يامــا قالـــولي إبعـــد
داقلبه ملــوش عــزيز
ولاغــــالي
قلت لهم يمكــن يحس
بشوقي ويرحــم حالي
اتاريني عايش ف الوهم
وحاضن خيالي
كانــوا عارفينك قـاسي
وانا اللى مكنش يخطـر
فــــــ بالـــي
انك تقــدر تقتل قلبي
وتلعـــــب بيـا
بكل هدوء وبئيد خفيه
آه ياغــــــــادر
اتعلمـــت الغــــدر فيا
آه ياقــــــــادر
يابوقلب مفيهوش حنيه
بكره تنــدم لما تعرف
كنت بحبـــك قــد ايه
بكـــره تبكــى
وتخاف تقول بتبكي ليه
ياللــي دبــح القلــــوب
عنـــدك مـــزاج وغيـه
ياللــي جـــرح الحبيب
ف نظرك حاجـه عاديه
دوق اشرب من كاس الآلم
دوق اشرب كمـان شـويه
آه ياغـــــادر
إتعلمـــت الغــــدر فيـا
آه ياقـــــادر
يابوقلب مفيهوش حنيه
بقلمي // صابر الطوخي
ليست هناك تعليقات