(( زعلان قلبي الموجوع )) للشاعر ~~~~~ علي شمس الدين

*زعلان قلبي الموجوع* 

اديش باقي وقت حتى يجي صوبي

ميتين مرة كأنو الصوت ما يسمع

حزن الدني  بالقلب عامل  الف نوبي

كل يوم ناطر شمس معها خبر يطلع

صار اﻷلم بحياتي عالجسم توبي 

ياكل طبق الصبر من دون ما يشبع 

جلد البدن ما بعتلو للوجع توبي /ة

ضفر القدر  صار فنان بالجرح يبرع

وديان بجلود ما شربت دوا روبي 

ما شاف نهر الشفا بتم النزف يلمع

فاضت خزاين عذابي ما بقا خبي

تم الصدر صار من مر القهر يكرع

زعلان صرلو عمر بدو الفرح قلبي

بركي بتجي شي سني هالعين ما تدمع

ببعت  انا من حرقتي لا عند ربي

دعوة بصلا قول طالب الفرج اقشع

علي شمس الدين 

15/5/2016