بقلم **محمودعمارالزلباني *** قيراط حظ***
***** قيراط حظ********
ـــــــــــــــــــــــمحمودعمارالزلباني ـ
مرت سنين
وانت معاند
وساند
ضهرك لحيطة الغير
يا أمير
يا متحكم بسلطانك
وراكب حصانك
صوته خرم ودنى
فى الزحمه
الرحمه
أنا لسه مستنى
وركبت الخيال لحظه
وشطحت فى العالى
وخالى
من الهوى جيبى
ودخلت دنيا لناس
فى الاساس
ما كانوش متكتفين
بالحلال
فرك الخيال تحتى
وقعنى
رجعنى
ووجعنى
شيل الهم بالكوم
ياعم
والصبر متشون ومتخزن
فكرت اصدر صبر
متعبى
وعبى دمعتى تملاه
والأه
محشورة فى دكانى
وانا خايف
من الحشره
والحسره بعدانتظارى
تنسى وتنسانى
ارمينى بقراط حظ
او سهم
يا شهم
بكره وبعدو
عدوا
من امبارح
وانا لسه مستنى
********محمودعمارالزلباني
ليست هناك تعليقات