مبسوطه بقلم \ محمد العربى
مبسوطه
متتخضيش بكا م دمعه
عزيزه مرقرقه ف عينى
و بوسه و حضن من رمشى
تميل عالخد تلمسنى
تدوقها شفايفى مع شهقه
بطعم المر و مسكر
لكن شربات و حلويات
يا ست الكل م الفرحه
و دقة قلبى لو سامعه
مفيش آااااااا هه
و لو حسيتى بالآهه
دى كات غنوه
مفيش ولا جرح جواها
و لو شايفانى متغيَر
ببات زعلان و متحيَر
فسامحينى و سمَى
وكبَرى ف ودنى
و حطَى ايديكى على صدرى
شيطانى هيجرى و يسيبنى
أمانه عليكى ترقينى
و ضمينى أوى ف حضنك
بقلمى \ محمد العربى
ليست هناك تعليقات