(( يا اللي خونتي )) للشاعر ~~~~ رضا ابو الغيط
يا اللى خونتى
سيبك إنتى
م الدموع دى
سيبك إنتى م النواح
يا اللى كُنتى
ف يوم حبيبتى
كل شيئ ما بينا راح
يوم ما خونتى
قلب حبك
يوم ما كان الذنب ذنبك
يوم ما كُنتى
هَم قلبى والجراح
إانتى هونتى
يوم ما خونتى
قلب ضحى كتير عشانك
قلب نبضه كان بيرقص
لما كان يلمس حنانك
جايه ليه ؟
عاوزه إيه؟
جايه طالبه ليه السماح ؟
يا اللى خونتى
إنتى هونتى
يوم ما هونا إحناعليكى
وإنجرحنا يوم فرحنا
من عيونك
من إيديكى
يا اللى خونتى
إنتى هونتى
زى ما هانت دموعنا
يوم ما بِعتى حُب بينا
يوم ما هونا
يوم وداعنا
يوم ما فوتى قلبى وحده
وإنطفت
م الخوف شِموعنا
يا اللى خونتى
إنتى هونتى
يوم ما ضاق بينا البراح
جايه ليه ؟
عاوزه ايه ؟
ولا عاد بينك وبين القلب إيه ؟
د الدموع اللى ف عينيه
والجراح الساكنه فيه
رافضه تسمع أى كلمه
من عيون ضحت بقلبى
واللى بيه
رافضه تسمع
أى كلمه ع السماح
يا اللى بِعتى اللى ما بينا
جايه ليه ؟
عاوزه ايه ؟
قلبى مش حمل الجراح
ليست هناك تعليقات