رسالة شهيد تحت الطلب....بقلم كابتن |سعيد عبد العزيز الحاجه
رساله شهيد تحت الطلب
أنا شهيد تحت الطلب
لا أل أنكتب وبينكتب وهينكتب
قال رساله شهيد تحت الطلب
بكتب ليكم عالحدود
أرض سينا أرض الجدود
الجوهنا جو واعر عالشهود
الحر جاتل والبرد جاسى
ولما أنام أنام ما أخاف
ولا مستغطى ب 100 لحاف
والميه جليله وفيها حاجات
لما أجوع أكل معلبات
بسكوت مملح وأجول أهات
والزواحف من كل نوع
تزحف علينا من كُتر جوع
وما بخلع من رجلى البياده
ودى فى حيتنا تبقى عاده
ويدى ديما عالزناد
مستنى لحظه الأنقضاض
ووصيه مكتوبه فى الجراب
ما أنا شهيد تحت الطلب
ولما كنت فى جنازه أحد الجنود
شُفت صدمه فى قريته
وحسره مليه أهله وأسرته
وشفت دمعه والدته
وحياه دمعه عنيكى
وحلم طار من أديكى
هنرجع الحق ليكى
حق الشهيد مينتسيش
لا نرجعه لا بلاش نعيش
ولو موت يا أمى ماتزعليش
أنا موت علشان بلدى تعيش
لو سبناهم يا أمى هنا
هيجوا ويحتلوا حينا
وينتهكوا بيوتنا وعرضنا
الغرب بيخطط لنا
عاوز يقسم أرضنا
ويحربنا بناسنا وأهلنا
تلاقيهم فى الجوامع جنبنا
ودى ال مطول حربنا
المهم نوحد صفنا
ولا حد يفتت جمعنا
رغم قساوه حربنا
ودى رساله مننا
لكل الأهل وشعبنا
لازم تكونوا دعمنا
وما حد غيركوا يهمنا
أحكوا حكايه أبننا
أحنا أهله كلنا
باعت رساله تهمنا
توقيع شهيد تحت الطلب
ليست هناك تعليقات