(((خالد مقداد ))) ***الكلمه **
(((خالد مقداد )))
5.4.2016 السلام عليكم ورحمة الله وبركاته وحياكم الله
*****الكلمه ***من ديوان دمع القوافي
الكلمه بتجرح مثل السيف
عالمنا اجرام وزيف
ما عاد في الدنيا رحمه
*****
ظلم الانسان الانسان
بيتألف عنه حكايات
تزعزع بالعدل الايمان
وكأنا بنحيا بغابات
****
ما عرفنا للظلم حدود
الوحش بيتعلم منا
على شعبه الحاكم نمرود
من سياطه شو تألمنا
****
الكلمه صارت مثل الجمر
بتحرق ياللي بيحملها
ساد العالم دجل وغدر
وصعب الكلمه توصلها
*****
الله منحنا الحق نعيش
رغم ال بدو وما بدو
العيشه صارت للدرويش
وال بحكي كسروا يدو
******
الوطن الغالي صار سجون
الحريه صارت بمزاد
الأمه بترخص لما تهون
بتنسى الماضي والأمجاد
ليست هناك تعليقات