الشاعر سعيد العزازى {{{{{ أمــــــــــــــــــــارة }}}}}
{{{{{ أمــــــــــــــــــــارة }}}}}
اه لو شوفت البت امارة
دى قمرة بعيون عسلية
حلوة وتموت فـ الملاغية
بنظرة عينها توقع ( 100 )
وفـ الملاغية شاطرة شطاره
اه لو شوفت البت امارة
اه لو شوفت خدودها الوردى
كله بيوقف لما تعدى
وعلى جمالها يانا ياوعدى
حلوة واحلا بنات الحارة
اه لو شوفت البت امارة
اه ع العود ال ملفوف لف
قالب زبدة فـ ملاية لف
خلا معايا العقل اهو خف
مبقتش عاوز أيه ولا سارة
اه لو شوفت البت امارة
عليها مشية ياناس بتجن
لما الخلخال فـ الرجل يرن
من تحتيها الارض تحن
فـ الجمال وحديها ادارة
اه لو شوفت البت امارة
دى فـ الدنيا ملهاش زى
قمرة فـ ليلها بتضوى ضى
وردة فـ وسط بنات الحى
كل الناس فــ جمالها سهارة
اه لو شوفت البت امارة
سعيد العزازى
ليست هناك تعليقات