من أعاتب كلمات الشاعر / عبد الواحد محمد
من أعاتب
ربعيات عاميه منفصله
,,,,,,,,,,,,,,,,,,,,,,,,,,,,,,,,,,,,,,,,,,
على أيه بنتحاسب يازمن
ما رمتنى ف الأحزان
ووحدى دفعت الثمن
عيشتنى الأوهام
بتلومنى حقك تلوم
طبعا منا الغلطان
صدقت زيفك وكدبك
ومشيت ف سكه النسيان
,,,,,,,,,,,,,,,,,,,,,,,,,,,,,,
ياترى يا بكرا حتيجى بالجديد
ويدق بابنا فرح ويهل هلال العيد
ونلبس التوب ونمشى نتبخطر
ولا حتيجى بغيمه وبعتمه
وتغيب شمسك ونحزن
وما يبقى حد سعيد
,,,,,,,,,,,,,,,,,,,,,,,,,,,,,,,,,,,
أنا حسألك يا أيام سؤلين فى صدرى
ليه تملكى الأحزان وعلينا بتخبى
بتوعدى وما بتوفى وتعلى وتوطى
وتخلى فينا السعيد يبات بدموعه
وبتسعدى الحزين وتجففى دموعه
ما ترسى فيول على بر ولا ترسى بشراعى
وأيدى تملك ذمامك وتقطعى ذراعى
,,,,,,,,,,,,,,,,,,,,,,,,,,,,,,,,,,,,,,,,,,,,
أنا الضرير اللى شافك خيال ف الضلمه
شيفك خيطان من نور وحروف كما الكلمه
أحط الخيوط فالخيال يجمعو صورتك
ولما تظهر الصور ما ألحقش أتهنى
بينطفى النور وترجع العتمه
ويسود سواد العيون وتوه معالم الكلمه
,,,,,,,,,,,,,,,,,,,,,,,,,,,,,,,,,,,,,,,,,,,,
ياوطن حبيس الأنفاس
مسجون ورى قطبان
بأيه يفيد الكلام
مدام كلمنا محال
نزعق بعلو الصوت
ونقول وما نشبع
ولما ينضبح صوتى
من تانى ليك أرجع
أقعد وأدور مالقى
بين لسانى حروف
أسأل ياوطن عنك
يقول حزين مقهور
لأن أبنك هجر
وحلف ما حيرجع
حزين على اللى رحل
ولا حزين على اللى مات
وبأيه يفيد البكى
وبكانه لا يشفع
,,,,,,,,,,,,,,,,,,,,,,,,,,,,,,,
ليست هناك تعليقات