فى خطوة فريدة من نوعها / فنتازيا عبد الله الهوارى
فى خطوة فريدة من نوعها مستشفى قوص تستغنى عن شركة الامن القائمة بعملها منذ 4 سنوات وتستبدلها بشركة اخرى وتستغنى عن كل افرادها بالكامل رغم الاولوية والاقدمية
____________________
واهى رجعت ريمة
طبعا انتوا عارفينها
وزى ما واحشاكم واحشينها
حافظين صم قوانينها
يلزمه اللى معاه
طب واللى معهوش
طبعا ما يلزموش
ياللا ما تزعلوش
هيصوا وزقططوا واستقبلوا ريمة
وما تنسوش تاخدوا بالحضن عادتها
وقولوها مرحبا واهلا وسهلا
اصل عادتها وسيادتها
كانوا سوا ف مشوار
كانوا بيعملوا استشوار
ريمة دى يا سادة
ربنا ما يقطعلها عادة
هى الحلم والعلم
هى الاصل والفيلم
هى المادة الخام
المهم
انا حاحكيلكوا ع الست ريمة
كان يا ما كان
فى سالف العصر والاوان
يا سادة يا كرام
ريمة دى كات الكل ف الكل
يجعل نهارنا فل
حتى ف عز القلبان
كات ريمة ف الميدان
بتلعب فى المضمون
ما يفوتهاش ابدا عمل
وتقول وتعيد وتفن
ريمة دى حكاية
على كل لون تتلون
مرة ببدلة بزراير
ومرة بدقن
ومرة بضفاير
ومرة بعباية وشال
ريمة دى زى ملح الطعام
والواد كركر
ريمة كات مشغلاه شغلانة تمام
يقولك الحالة اخر انسجام
اضحك كركر
اوعاك تتعكر
ل يفوتك قطر الاحلام
وانت تتضحك ع الاخر
وتقول يا سلام
وف الاخر يطلع كلام ف كلام
المهم خلينا ف دلوقتى
عشان مايضيعش وقتكم ووقتى
اهى ريمة رجعت يا حبايب
الحاضر يعلم الغايب
اللى هنا يبعت للى ف الغربة
انووا انتوا وحضروا الحبة
انتوا عليكوا بس تحلموا
وسيبوا عليها القبة
ليست هناك تعليقات