حبك كواني بقلــــــــــم/ محمود عمار الزلباني
-----------حبك كواني -----------
*****************
خليك من قلبى قريب
وبلاش البعد عنى
من بدري كنت الحبيب
وبرضو قلبك ظلمني
—————–
ف الحلم شوفتك تواسي
من عيوني تمسح دموع
حسيتك أهلى وناسى
وأتمنى أنام بال سبوع
—————-
حبيتك وحبك كواني
بكاني وحرّق جفوني
أتمنى تبعد ثواني
وبلاش عوازلي يشفوني
——————–
حبيتك وحبك تعبني
سهرني طول الليالي
وسهم العوازل صايبني
والهجر غيرلى حالي
——————-
حبيتك وذوقت الأسية
والعطف منك ما شوفته
وعامل نفسك ضحية
ودخلت قلبى هدمته
——————-
تبعد قلبي يا كلنى
ف حبك أصبح أسير
وإنت ع الهجر تا كلني
عارفني بدربك ها سير
——————
مش لاقي لحبك معاني
غير هجر وغدر ومرار
ف قربك برضو باعانى
و فى بعدك الهجر نار
——————-
علمت قلبي الاّهات
وأهديت لعيني الدموع
وكلامى أصبح سكات
ودابت بجنبي الضلوع
——————–
ليه من نظرة ساحرني
والعقل زايد جنانه
وقلبك أصبح أسرني
وقلبي هجرني عشانه
———————
كان قلبي يحس بقدومك
يرقص بجنبي يرفرف
ولا مرة فكرت ألومك
ل دمع عيني اللى شرف
—————-
الغلطة قلبي الحنين
ف حبك أصبح وحيد
ولا كان لغدرك مبين
والنار بقلبه تقيد
——————
حبك يا غالى عذاب
وهجرك فرّحْ عزولى
بقربك القلب داب
والهم راحو فاتولي
—————–
علمت قلبي الأنين
ولا شاف منك أمان
غدرك خلاه حزين
خونته وهو ما خان
—————–
ارجوك تسيبنى فى حالى
وبلاش تدخل حياتي
مش كد سهر الليالي
ولا عايز أفضل أهاتي
——————–
الحب أصبح كلام
أنا مش عارف له نهاية
ولا عارف معنى الغرام
والتاني نفس الحكاية
------------------------
ليست هناك تعليقات