(معاناة عاشق) الشاعر مجدي فرحات -- تحياتي جدو عبدو
انت اللي جبتو لنفسك
لا دمعك في يوم هيفيد
ولا هيداوي يوم جرح قلبك
قولي بقى ايه هو الجديد
اهو الكل باعك و باع حبك
وبعذابك فرحان كأنو ف عيد
راجع يا روحي يلاه نفسك
عمر الاسا ماكان منك بعيد
ياسيدي ياسيدي مين أدك
عايش بحزنك و بردو سعيد
بيحسدوك على دمع خدك
على أد الجراح قلبك حديد
والكلام عليك منهم بختك
وكمان الحظ ليك ليه عنيد
يلا انت اللي جبتو لنفسك
الدنيا ليك بقت ذنب ووعيد
داكمان بيحسدوك ع قدرك
على الدنيا السلام يا وحيد
ربنا يعينك ع ظلمك و صبرك
تعمل ايه انت جبتو لنفسك
(معاناة عاشق)
الشاعر مجدي فرحات
ليست هناك تعليقات