الجهل نعمة ! — بقلم / د صبرى إسماعيل -- تحياتي جدو عبدو
الجهل نعمة ! — بقلم / د صبرى إسماعيل
*****
الجهل نعمة والغبى مرتاح!
ثقافة ايه اللى حروفها جراح!
غمّى عيونك وانت داير فيها
زى السواقى بين إيد الأشباح
******
طجن طواجن واعجن السبوبة
واعمل حساب تشرين هييجى فى طوبة
لاجل الأوبيج لخبط المعلومة
وتلاقى طنطا فجأة سكنت جوبا
*****
والعقل زّق عليه تلات رجالة
إن عجبه بيعه بسنتر الفجّالة
وان ما ارتجعشى بعد نصحك ليه
طب ياكش يولع فى هاديك الحالة
-----
ليست هناك تعليقات