كلمات الشاعر عبدالواحد محمد ,, أم سعيد ,,,
,,,,,,, أم سعيد ,,,,, بقلمى عبدالواحد محمد
ومشاركه صوره من ريف بلدنا
,,,,,,,,,,,,
أم سعيد بنت بلادى
تصحى بدرى من الفجريه
تأكل طيرها وتحصد خيرها
تساعد جوزها أبو عيالها
تصلى الفجر وتدخل دوغرى
على جموستها
تحلبها وتغنليها وبتسعدها
يخرج جوزها يروح ع الغيط
تاخد فاسها ويا فطورها
تنزل تحصد فالبرسيم
والبسمه ساكنه على شفا يفها
ندعى ليها المولى ناصرها
تيجى الظهر معاها الخير
فول أخضر وشمال جرجير
تطلع تجرى على زلعتها
تملاها ميه من النيل
تعجن تخبز علشان جوزها وكل صغرها
تشوف النار خرجه من الفرن
ووشها أحمر زى لهيبها
تشقى وتتعب ولا تشتكى مره
ولو تسألها تقول أنا حره
زوجى راجل حمله ثقيل
وولادى خمسه بالتعليم
كل أمالى يسندو ظهرى
لما الدنيا عليه تميل
أبنى سعيد حيكون دكتور
وأخوه باسم صحفى مشهور
وزينه مذيعه وبهاء ضابط
يترقى ويكون مأمور
وعندى مريم لسه صغيره
بتمثل وتاقنه الدور
أولادى مالى وسندى وسعدى
وجوزى مكافح وأبن أصول
عشرة عمر وأيام حلوه
عمرو ما هانى ولا بات مهموم
راضى بقدره وبمقسومه
يجى الليل أغسله همومه
يدخل ويبات بين أحضانى
وأحس بنفسه لو مألوم
وأدى حكاية أم سعيد
كل أيامها عندها عيد
وكل صلاه بتقول كلمه
زدنا يارب برزقك زيد
,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
ليست هناك تعليقات