عاطف حارس نور لتعرف الوفا
لتعرف الوفا
"""""""""
""
غمضت عيوني و بصمت بالعشره
ساذج أنا كتير أو أقول غبي بالمره
ساذج لاني فكرت بالدنيا أمان
غبي أني ما ظنيت الخيانه و لا مره
فكرت الانسان لازم يكون أنسان
فكرت القلوب تعرف تصون عشره
حسب قلبي حسبت بقلوبهم حنان
عايش أنا طفل و بعدني ع الفطره
عشت العمر أعطي و كله بالمجان
هما يشبعوا و انا ترضيني كسره
زرع محبتي طرح قبل الآوان بآوان
شجرة عمري يبست و بعدها صابره
كل من أراد يطلب. وقلبي أنا عنوان
و كتير كنت أعطي لما افهم النظره
قافلين ابوابهم و أنا كلي لهم بيبان
و لأجل خاطرهم قلبي رخصت سعره
بنيت بالحشا رفوف ولكل واحد مكان
و أنا گاليتيم وحدي نايم بالخلا بره
وصفوني أهبل وصفوني بالخيبان
مساكين و لا ذاقوا لحلو العطا ثمره
يااه ما اعجبك يا ناكر معي الأحسان
يا مصغر تعبي لأجلك كما خرم أبره
ل تعرف معنى الوفا اقتني إلك حيوان
ظُلم أنك انسان وما عندك عن الوفا فكره
،،
،،
01.02.2016
عاطف حارس نور
ليست هناك تعليقات