بقلمي / محمود مسعود سافر حبيبي
سافر حبيبي
ــــــــــــــــــــــ
من غير وداع سافر حبيبي
علي جمر الشوق فضلت مستني
ودموع العين آه يانا لفراقه تألمني
فكرك مش ناسيك ياتري أنت فاكرني ؟
في بعدك أعد الأيام أمتي تيجي ترحمني
الناس في عيونهم همس وبيسألوني
إيه جرالك غير حالك والله حيروني
معرفش أكدب وإن كدبت عيوني يفضحوني
الضحك في عنيهم باين طب ليه بيلوموني
تعالي ياسر عذابي كفاية تعالي طفي ناري
رد علي عزالي ارحمني يا طول انتظاري
مش عارف أفرق ليه بعدك بين ليلي ونهاري
وبقيت أقدم للناس دايما وعلي طول أعذاري
يوم أتأخر وأيام أتهور مش ممكن تتصور كم اعتذاري
غيرت حالي ياحبي الغالي أرجوك تعالي وكفايه تعالي
الأماكن والسواكن كلها تبكي لحالي
وأنا دايما ساكت وآلامي فاقت كل احتمالي
بعت رسايلي ولحدش جايلي من طرفك ياغالي
يقولي أخبارك طب إيه اللي جرالك طمني ياقاسي
معقولة ما حسيتشي ودموعك ماسالتشي
قلبك محرقشي في البعد ضلوعك
طب أمتي رجوعك ماتقولي خضوعك
طريقه منين يابو قلب متين
دا أنا عايش والله مسكين
تعالي احضني وعليك طمني
وكفاية بقي ياحته مني
الكلام كتير وعليكي بغير
يمكن إخلاصي زايد وكتير
ـــــــــــــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود (( شعر عامي )) 21/1/2016
ليست هناك تعليقات