(( غلبت أفهمك )) للشاعر ~~~~~ سمير الجمل
غلبت افهمك
غلبت اعلمك
***********************
ابعد عن طريقى
ومتنشفش ريقى
مش حرجع اكلمك
غلبت انا غلبت
غلبت افهمك
تغلط اصالح وادادى
واسيب عندك فؤادى
وتسيب عنادك ولاراضى
غرورك حيهدمك
غلبت افهمك
غلبت اعلمك
*****************************
ياجاهل فى الغرام
الحب فيك حرام
وخساره معاك كلام
غيابى ما حيرحمك
غلبت اكلمك
غلبت اعلمك
معذور قلبك معذور
ما اصللك فى الغرور
ما حد يغلبك
غلبت غلبت
غلبت افهمك
******************************
انا مش عايزك تانى
ولا تيجى تترجانى
مجنى عليك او جانى
شوف مين راح ينفعك
غلبت اعلمك
غلبت افهمك
غلبت ياناس خلاص
ضاع من عنده الاخلاص
والرقه والاحساس
غلبت ياناس
غلبت افهمه
غلبت اعلمه
*****************بقلمى سمير الجمل
ليست هناك تعليقات