(( إتنين كانوا حبايب )) للشاعرة ~~~~~ شادية ياسين
" إتنين كانوا حبايب "
إتنين كانوا حبايب
و إتوعدو ع الهنا
جمعتهم صدفة حلوة
كانت أجمل لوقا
كان الإحساس ماليهم
و كل حد فيهم
بيحلم يبقوا سوا
عدت أيام كتيره
صدفتهم مشكلة
هو بعد و عاند
و هي ف لحظة شافت
كل أحلامها ماتت
و رضيت بالوجع
نفس الإحساس ما بينهم
لسه مانتهاش
عايش جوا ف عروقهم
برغم الإختلاف
هو عايش حزين
هي مصدومة و مين
يقدر تاني يصالحهم
و هما مجروحين
لفت أيام و جابت
ليهم إشتياق
هو عايزها ترجع
و هي حاسه إنو باع
و ده كلو لما سمحوا
بينهم بالغباء
كان ممكن يبقوا
أحلي قصة مذهله
لو كانوا قدروا فعلاً
يحلوا المشكلة
يتحدوا الظروف
يقضوا علي أي خوف
و يأمنوا اللي ما بينهم
يكمل بأتنين سوا
دلوقتي الحب عايش
يقطع ف قلبهم
و بالرغم الشوق ما بينهم
لسه علي عندهم
هو مستني منها
هي تكلمو
و هي قعده لسه
ف خيالها بترسمو
واخدهم الكبرياء
مين يبتدي بالكلام
بيضيعوا اللي ما بينهم
بغرورهم ف الحياة
هي ماسكه ف صورهم
و قاتلها الحنين
و هو قاعد يفكر
فين يهرب م الأنين
و ده كلو في مشكلة
كانت سبب الضنا
سمحوا بعض و إنسوا
ده الحب أجمل دوا
إتنين كانوا حبايب
و إتوعدو ع الهنا
جمعتهم صدفة حلوة
كانت أجمل لوقا
كان الإحساس ماليهم
و كل حد فيهم
بيحلم يبقوا سوا
عدت أيام كتيره
صدفتهم مشكلة
هو بعد و عاند
و هي ف لحظة شافت
كل أحلامها ماتت
و رضيت بالوجع
نفس الإحساس ما بينهم
لسه مانتهاش
عايش جوا ف عروقهم
برغم الإختلاف
هو عايش حزين
هي مصدومة و مين
يقدر تاني يصالحهم
و هما مجروحين.
ليست هناك تعليقات