,,,,,,,,,, ذكريات محبوسه ,,,,,,,,,,,,,, كلمات عاميه بقلمى \ الشاعر \ عبدالواحد محمد-
--ذكريات محبوسه--
أنا اللى بادى الكلام
ولسانى ليه أخرس
ثلاثين محبوس
يا كلامى جوايه
أكتب حكاوى الناس
وأذكرها ف الأشعار
ولما تيجى حكايتى
لسانى ليه يخرس
ما قدرش أبوح بالحب
وأقول كلام م العيب
مع أن أصل الحب
شجره وبتطرح
ومفرعه الأزهار
على كل شكل ولون
ومحرمين على قلبى
يتهنى ويوم يفرح
حتقول يامسكين
أمتى قصتك للناس
ولا ما عادش خلاص
ودان وليك تسمع
يا مفريقين الأفراح
قلبى نصيبه فين
وأمتى عشقى يدوم
ويكون ليه مطرح
وأسعد بقرب الحبيب
وشجرتى فالهوى تطرح
على التوته والساقيه
كنا بنتقابل
أيا مها كنا صغار
وهواناا كان يمرح
ولما أخدت العيون بالها
وحسدنا قالو عننا حكيات
وكلام كتير يجرح
كبرنا وشاب الشعر
والقصه نسيناها
وأتسجلت ذكريات
والبال بيها يسرح
وبقينا فكرنها ببالنا
وجوه القلب ليها مطرح
,,,,,,,,,,,,,,,,,,,,,,,,,,
كلمات الشاعر
عبدالواحد محمد
ليست هناك تعليقات