بقلم احمد صبري - سر مات
سر مات
احمد صبري
-
الحكاية بكل بساطة
منتهية وبقرارك
لما تبقي ليا جنة
وتسيبيني وسط نارك
لما تكتبيلي المي
وتكتبي للناس اشعارك
وابقى عامل اعتصام
ومعطل لك مشوارك
ابقى عامل زي نار
تحرق حبل افكارك
لا وعلى ايه دا كله
سر مات من اسرارك
-
مادمتي نويتي نتفارق
لازم اساعدك تنسيني
اي حاجة انتي تعوزيها
اكيد هتحصل صدقيني
لو حبك عندك رخيص
عندي اغلى من عيني
اشتريتك بكل حياتي
بيعتي عمري وسنيني
-
مفيش غيرك في قلبي
دا يرضه كلام تقوليه
ياللي اخدتي وردي
و في الاخر دوستيه
بتلومي عليا غيرتي
خونتي مشاعري ليه
فرقتي إيه عنهم
واقول عليكي ايه
-
مش حاقول عاشق
واني لسه بحبها
اللي بينا ماضي عدا
وهية اخدت حقها
قررت تبقى النهاية
امشي مجروح منها
قالت روح إنساني
وانا نسيتها وقتها
انتها بينا الحنان
وحاجات صدقتها
واتضح إللي يضحي
حياته بتروح كله
ليست هناك تعليقات