بقلمي مهندس أحمد والي نفسي أزورك يانبي :
نفسي أزورك يانبي :
نفسي ازورك يا نبي يا سيد السادات
وأصلي في الروضة الشريفة بالذات
دا الصلاة في مسجدك يا نبي بخمسين ألف من الصلوات
اللي يزورك يانبي تبان عليه كرامات
ويشوف في مسجدك أحوال وتباركه بالنفحات
ويسافر من المدينة لمكة ويقطع المسافات
عشان ينول الرضا وتتنزل عليه رحمات
تطوف بالبيت الحرام وتلبي نداء الله من فوق سبع سماوات
وتقف امام مقام الخليل ابرهيم وتصلي لله ركعات
وتشرب من ماء زمزم هتقول علي طعمها شربات
وتملأ كأس المحبة وتقول يا مريد هات
وتسعي بين الصفا والمروة هتظهر عليك علامات
وتروح مزدلفة وبمني هناك هنبات
وتتبع مبيتك برميك الجمرات
وتقصر أو تحلق شعرك وذنوبك تبقي رفات
وتذبح الهدي هتطهر نفسك الامارة بالذات
وتطوف طواف الوداع في حياه قبل ممات
هترجع من مكة كيوم ولدتك أمك وكلك ايمان وثبات
وترفع ايدك للسما وتقول ياقاضي الحاجات
يسمع ربنا نداءك من فوق سبع سموات
بقلمي
مهندس أحمد والي
ليست هناك تعليقات