سكر يا نهر النيل الشاعرة سمية سليمان
سكر يا نهر النيل
------------------
اسقيني كاس من ميتك
سكر يانهر النيل
دابت قلوب ف محبتك
غنت لك المواويل
ياما عرايس عشقتك
روحها وجمالها وهبتك
تاهت ف حضن ميتك
علشان تفيض ياجميل
سبحانه ربي اللي وهب
الميه دي بلون الدهب
والشمس بتطفّي اللهب
وتنام ف حضنه الليل
تروزي الزهور والشجر
تروي الطيور والبشر
ويهون علينا السفر
فيك والنجوم قناديل
وشلت موسي تضمه
وعيسي والطاهرة أمه
وقالوا عنك وسموا
[حابي ] وتشفي عليل
أنا وحبيبي والهوي
قاعدين علي شطك سوا
والنسمة هالة والهوي
خللي النخيل بيميل
سر الحياة والوجود
مكتوب لك الخير والخلود
اسقينا من نبعك وجود
شهدك مازيُّه مثيل
ليست هناك تعليقات