(( سحر الليل )) للشاعر ~~~~~ رضا ابو الغيط
سحر الليل
كلمات / رضا ابو الغيط
*****************
اتمخطر يا لا يا كل الخيل
فسحنى وسط صبايا الليل
ناخد كام صوره مع الأموره
وبضحكه يتوه من بينا الويل
اتمخطر يالا شمال ويمين
فرجنى كمان كده ع الحلوين
وحشانى الضحكه بقالها زمان
ووحشنى كمان نظره من العين
اتمخطر بس براحتك.. آه
وبلاش م الجرح ..وقولة آه
يمكن للقلب نلاقى للحب
أومره يلاقى القلب ...دواه
اتمخطر وامشى ف المياديين
واتأمل ف أم عيون حلوين
واوعاك لطب ف قلب الحب
وتتوه ولا تعرف رايح فين
اتمخطر بص على الشبابيك
واشبع م الحلوه وملى عينيك
واوعاك تنساق خلف الاشواق
لتضيع وتتوه منك رجليك
اتمخطر بيا كمان وكمان
ده القلب يادوب محتاج لحنان
يمسح له عينيه م اللى مبكيه
ويكون له الشط وبر أمان
فسحنى كده على شط النيل
وانا من قلبى راح أقول مواويل
وها اقول للصبح استنى يا صبح
وبلاش تحرمنى سحر الليل
رضا أبو الغيط
ليست هناك تعليقات