(( إسمع مني زماني )) للشاعرة ~~~~~ ياسمين محمد
( إسمع مني زماني)
**************
حكايتي كلها ألم وأسية ساكنة كياني
الفرح بعيد عني وليه تايه عن عنواني؟
والحزن معشش ومستوطن وسارق أماني
والقلب مجروح وبينزف وللحسرة سقاني
قرب مني واسمعني كله ده ليه يازماني؟
هو إنكتب الهم والحزن أشيله مش حد تاني؟
والدمعة شايلة روح بتفرفر للفكر رماني
نفسي أعيش الفرح وأهاجر لكوكب تاني
يكون الفرح فيه هو نصيبي إللي بيستناني
قلوب طاهرة ماتعرف تغش وتخون كياني
وتسقي أحلامي منه حب وشهد رباني
إسمعني ماتسيبني للحيرة ولهذياني
إنكوى قلبي ألم والورد دبل في بستاني
والطير هاجر وحلف مايرجعلي تاني
بتمنى من ربنا يملا حياتي فرح وأنسى أحزاني
وبدعيه دايما يفرح عنيا وروحي ووجداني
******************
بقلمي ياسمين محمد.
ليست هناك تعليقات