…… .( مفيش فايده)………………… (شعر)………… عبد الله السايح

…… .( مفيش فايده)………
الصبرمنا إشتكى
كان توبنا لما بكى
شدة آﻻمه حكى
عن ظلم م الصياد
صيد المناصب كتر
والقلب منهم صبر
لكن تضيع العبر
وننتخب أوغاد
للشعب مايفكروا
للظلم بيكرروا
ولامرة بيقدروا
الشعب بعد ما ساد
إتلموا ويوزعوا
وﻻلحظة فيها وعوا
لكارثة أويمنعوا
لحظة وفيها فساد
نواب وثورة تجيب
نايب يكون لعيب
نلقى اللي منهم عيب
وﻻحد كان في حياد
ولا جابوا سيرة مايه
وﻻحد شاف الحيه
ولاسد يعني قضيه
والعطش صياد
نواب عشان قوانين
دخلين ومش فاهمين
إن الميراث في الطين
محتاج نعيد أمجاد
وننسى النهب ونظامه
وشعب مريض في عظامه
ولكن عنده إيمانه
ومش هيسيب في يوم جﻻد
مناصب وإتوزعت بره
وبيه يضحك على المارة
معارضه مفيش ولو زره
وشعب يادوب يعيش في حداد
معقوله مفيش فايده
مفيش غيره على عايده
ينار في القلوب زايده
على نواب يادوب في مزاد
نواب وشعب إختار
لكن رايحين للعب قمار
معارضه تروح وفي التيار
ووطني جديد بدون فايده
…………… (شعر)…………
عبد الله السايح