بقلم / طه إبراهيم نفسي أفهمك
نفسي أفهمك
****
الهمّ زاد والحزن زاد
سكته ليه يا أم الولاد
فين ضحكتك ......
فين فرحتك .......
حتي لون طرحتك
زي لون الحداد
فين غنوتك ......
فين بهجتك .... ....
و لاّ فين الوداد
تكنش دي كلمتك ......
تكنش دي رغبتك ......
و لاّ قررتي العناد
مالك خايفه ومذعوره
عينك علي الولاد
و لا علي الصوره
ولادك اتّعذبوا واتألموا
والصرخه مكتومه ......
والصرخه محشوره .....
بتكبري و تّودعي ......
وعنيكي حزينه .......
وعنيكي مكسوره ......
يا تري قلبك اتغير ....
و لا انتي مأموره ....
يا تري فكراهم ....
و لا انتي معذوره ....
يا تري كرهاهم
و لا انتي مقهوره
انتي اللي كبرتي ....
وانتي اللي علمتي ...
وانتي اللي سبتيهم .......
في خرابه مهجوره
و لادك اتفرقوا
في سكه مجهوله
يا تري لسه زي مانتي
و لاّ بقيتي أمنّا الغوله
. *******
أكره أشوفك ..........
عجوزه وكركوبه ......
أكره أشوفك .........
ضعيفه ومسحوبه ....
أكره أشوفك..........
مستسلمه ومغلوبه ......
أكره أشوفك ..........
مشيه و مقلوبه ........
أكره أشوفك ............
غصبه ومغصوبه .....
أكره أشوفك ............
ظالمه ومظلومه ......
مش أنتي اللي علمتيني
الصبر .... والتوبه ......
مش أنتي اللي علمتيني أحبك
وعلمتيني أوصفك ......
بقصيدة مكتوبه .....
مش أنتي اللي علمتيني
اصنع من غبار الهوي طوبه
وابني علي جدرانك
وأهتف ف أحضانك
واغزل فروعك واغصانك
اسطوره واعجوبه ......
ما انتي عرفاني بحبك
وبعشق ترابك .............
ووديانك وأحجارك ......
وأغصانك وأزهارك.....
وأسماءك وأوصافك ......
مكتوبه ومحفوره
أفرح .... أشوفك
وخدانا ف أحضانك
وضمانا ... وحضنانا
وبتقسمي اللقمه و الفوله
مانتي اللي علمتينا الحق
ف الكلمه والاكله والنومه
وانتي اللي علمتينا
الهمسه مقرؤه ومحسوبه
وانتي اللي علمتينا الصبر
ف المحنه و ف الشده
وعلمتينا القوة ف الوحدة
وجمعتينا علي حبك
وحذرتينا من الفُرقه
ومين يرضه .......
ومين يقبل .......
تكوني ضعيفه ومغلوبه
أفرح أشوفك
بالحق منصوره
وافرح أشوفك
في عيون الدنيا اسطوره
أفرح أشوف ..........
أولادك فى أحضانك ......
ماهما أحبابك ......
و هما أبطالك .......
واللي غلط سامحيه ....
واستعجلي التوبه ......
أفرح أشوفك ......
كبيره ومحبوبه ......
افرح أشوفك ...........
رافعه راسك ف السما
وافرح أشوف العدا
من نظرتك مرعوبه
يا تري غرقانه
و لا انتي نعسانه
و لاّ عنيكي محجوبه
ياللي شغلاني ......
ياللي تعباني ..........
نفسي أفهمك نوبه ....
*****
بقلم / طه إبراهيم
ليست هناك تعليقات