كلمات \ أحمد شاهين مــــلا مــح
مــــلا مــح
وكل ما بمشى فى الشارع
بتخطفنى ملامح ناس
وشوش فيها الأمل مرسوم
وشوش كدا روحها ف الحلقوم
وبتعافر
وناس بتمد خطاويها
وخايفه ميعادها يتأخر
وناس بتبوس أياديها
وطالبه الستر مش أكتر
وشوش صابحه كما الفاكهه
فى أزهى لون
وشوش دبلانه مهمومه
ولاعنه الكون
وكل ما تمشى بتلاقى
200 أراجوز
شباب يرقص ومهرجانات
تكاتيك ولا موتوسيكلات
زمن عايشينه متغير
وشوش بنشوفها بتحير
شواع كلها حكايات
بدوب فيها وبصحا
وابات
وما فى شئ بيتغير
بلف كتير
وبحلم
نفسى فى التغيير
أشوف الناس دى فرحانه
عيشتها كريمه متصانه
تضيع كل الفروق بينهم
وكلمة حُب تجمعهم
وعدل. وعيشه . وكرامه
وبحلم حلم مش عارف؟
ما يمكن مره نتكاتف
نحقق حلمنا بإيدينا
وتضحك الوشوش تانى
دا ياما وشوش وبتعانى
وشوش الناس
خريطه بترسم المعنى
تفصل كل أواجعنا
ونصرخ أد ما نصرخ
وما فى حد بيسمعنا
ما فى حد بيسمعنا.
كلمات \ أحمد شاهين
30 \ 12 \ 2015
ليست هناك تعليقات