بقلـــــــــم: عــــــــادل الشـــــــهــابى----ايــــــام .....

ايــــــام .....

كل الأيام تشبه بعضيها ....

أدينا عايشينها وبنعديها .....

فيه أيام خير وسعاده ....

وأيام مر زى العاده ....

أيام وبنجاهد فيها ...

فى نهارها وفى لياليها ...

نترجاها ونبوس أديها ...

ونمهد الأرض لخطاويها ...

أيام الهنا قليله ....

والحزن أيامه طويله ....

ليه الهم مختارنا ...

ودايما واقف على دارنا ...

تاعبنا ومشتت أفكارنا ...

مالك يا حظ بقا علينا ...

مخاصمنا ليه ومبكى عنينا ...

حد يقوله منا ياخد باله ...

ويعاملنا كده زى عياله ...

أيام وخطوط السواء فيها كتيره ...

والبياض فيها بقا عمله قليله ...

يا سواد خف علينا شويه ...

منك أنا عميت عنيه ...

ومشتاق لأيام الحنيه ...

يا رب ملناش غيرك ...

وطمعانين يا كريم فى خيرك ...

أيام صعبه وهتعدى ...

وأحزانها فى المركب الى تودى ...

والخير هيكون دايما عندى ...

أهى أيام تشبه بعضيها ...

أدينا عايشينها وبنعديها ....