بقلم/ جبريل رضوان ساعة صفا
ساعة صفا
اااااااااااااا
ساعة صفا بين الحبايب
لازم تداوى المجروحين
وتلم شمل اللي هجر
وتفرح القلب الحزين
وكلمه حلوه تلمنا
بلاش نعيش متفرقين
والعمر ليه بنضيعه
ونعيش بعاد متغربين
ده احنا قلوبنا طيبه
مليانه بالشوق والحنين
نزعل ساعات مع بعضنا
وف لحظه نبقي كويسين
ولا حد يقدر يهدنا بنيانا
له اساس متين
ومين يهد جدار محبه
مبني علي حب وحصين
ومين حيقدر ينسي حبايبه
ولو نسي حيروح لمين
ساعة صفا بين الحبايب
نعيش ف حب ومرتاحين
ااااااااااااااااااا
ساعة صفا تلمنا
وتملي حياتنا بالحنان
واللي بيجي لحضننا
بيحس دايما بالامان
عشان قلوبنا طيبه
مليانه بالخير والايمان
لو القلوب صافيه وراضيه
الكل حيلاقي مكان
العيب بيبقي فينا احنا
بالاش نعيب علي الزمان
ااااااااااااااااااااا
جبريل رضوان
ليست هناك تعليقات