من وحي احساسى ....بقلمى #مسجونءفالغربه #المصرىءبركاتءالهوارى
حبيبتى يا ساكنه جوايا
ياضحكي ودمعي وبُكايا
انا بعاهدك على حبك
وميت فى تراب رجلك
لكن ليا عَتب عندك
ياشمسي وبردى ودفايا
ورغم إنى انا مخاصمك
لكن مقدر على فراقك
في عز شقايا بحتاجلك
منيش قادر علي بعادك
يا مصر ليه مخصمانى
وكرهاني وبيعانى
وسيبانى فى هم وويل ونسيانى
وف الغربه اصيل شبعان
وشارب زل واهانه
انا حابب اكون فيكِ
واكون بيكِ وبيا تبقيِ فرحانه
تعبت من كفيل وعويل
ملوش لازمه
وعامل فيه انه مدير
وهو أساسه كان جزمه
حرام بالله وكفيتى
ياقصري ودنيتى وبيتى
وخلينى اعيش فيكِ
وماتخليني فى اﻷزمه
انا حابب اكون فيكِ
لكنك لسه حرمانى
أنا عاشق أراضيكِ
ودايما إنتِ بعدانى
وفايتانى سنين الغربه سرقانى
وهمانى وبعدانى عن الاحباب
وهنت عليكى تبعينى
قفلتي ألف باب وباب
انا عاوز اعيش فيكِ
كفيل وحرامى مص الدم
ومش راضى
وتيجى تشكى ليه ظلمك
يقول والله ذا كان عاجبك
وهو دا اللى عِندينا
سنين صابر مفيش فايده
سنين ياما تِعَندينا
وبرجعلك أقول حضنك
الاقيكي وجعتينا
يارب نفسي تتعدل
صبرت كتير ومش نافع
ولا عاجب وشوفت الغُلب
راح ارجع مصر من تانى
وهرضى بقمستك يارب
دا مصر لسه فيها الخير
وسايبه حرامى ينهب نهب
واصيل فيكِ يدوق الويل
ويتبهدل وعيشته صعب
يا مصر يامه ياسفينه
انا خايف اموت ف الغربه مش فيكِ
ولو ضاعت مراسينا
طب إمتى بس آلاقيكى
ليست هناك تعليقات