(( بنت العم )) للشاعر ~~~~~ فاتح بلكبير __سطيف الجزائر

قصيدة بنت العم للشاعر فاتح بلكبير سطيف الجزائر

يا شافي لو رام داوي هذا الحال ...... انا ليلي طال ودموعي تجرى 

عالجني نرتاح ما هوش موحال ......... قلبي كمضرار داويني نبرة

داوي هذا الحال ما هوش موحال ... عليا زاد الحال فقلبي جمرة 

داوني عجال عقلي زاد اهبال .........هذا حال الحال لي ضرير بضرة 

انيا مضرار بسموم القتال ..............لا تقولي موحال تشفى بالهدرة

بنت العم اهبال ما نيش قوال ..........منها زاد الحال ما ريتش نبرة

عقلي جال وجال سول يا من سال ... لا تهدى لحوال كنشوف السمرة 

هذا حالي حال لا نهنى موحال.....من كثرت لقوال وهموم الهجرة 

لا تقولي محال جرب يا من قال .... قال وقيل وقال تشيع في الهدرة

هذا حال حال ما هوش محال ......تهدالي لحوال كنشوف السمرة 

ما نخالف لقوال مانيش بدال .......حب السمرة غال يكوي بالجمرة 

هون ليا مال نصعد كل جبال....... ما هوش محال نطلع للقمرة 

يا فاهم لسوال اغدى ليه قبال ....سقسيلي على حال ولفي يا تارة

جول يا جوال سلم على الغزال ...عقلي في تهوال شارد في نفرة 

سري يا من قال بفعالك ختال ...لا تكونك نشال تشيع في الهدرة 

هذا حالي حال راكب كل اهوال ........ما نيش بدال خاين العشرة 

قصدي يا من سال بنت العم هبال ...شعرها خبال بلوان المغرة 

منها في تهبال هذا حالي حال ...غارق في لوحال من حب البهرة 

عذرني يا من قال لا تهنى محال ...لا تكثرش سوال طالت السهرة 

داوي هذا الحال ما هوش محال ...زاد عليا الحال في قلبي جمرة 

فاتح جال وقال هي راس المال ... ماقدرتش محال ننساها مرة