(معرفتش أحوش الموت) بقلم حسناء حسن --- تحياتى جدو عبدو
(معرفتش أحوش الموت)
شهيق الدمع جوايا كواني بنار
وصوت الحزن ف حروفي كله مرار
وهكتب جرحي انا كله وحزني عليه
ماهو جدي وكان سندي وهكتب ليه
في اخر يوم ماحستش بأنه اخير
وكنت متعشم تشفى وتبقي بخير
وحصنتك من عيوني وعيون الغير
بس يوميها ..
طال سكاتك والخوف جوه روحي اتمد
وفجأه ...مال الجبل على خدود الورد
عيونه لاحت للسما وصلت لابعد حد
يوميها رعشت ايديه كانت غريبه بجد
بس للاسف....
مكنتش اعرف وقتها بان الرعشه
بداية موت
واني حواري وياك هيبقي نهايته سكوت
سامحني حبيبي معرفتش احوش الموت
سامحني عشان والله ومن اول الرحله
واحشني موووت
بقلم حسناء حسن
ليست هناك تعليقات