مينفعشي ********احمد صبري شعر وكتبت اغا

مينفعشي
احمد صبري

شعر وكتبت اغاني وغنيت
لكن تعبت وعمري ماتهنيت
قالولي الصبر روح واصبر
سكنت الصبر معايا البيت
قالولي العمر يوم بيمر
من كتر المر قولت
ياريت
وضحكة ساعات بتتبسم
وترسم في الهوا احلام
وقلب الدنيا متقسم
بين لحظة وبين ايام
تبيعي بكام
يا عيوني
ذكريات و تاريخ الالام
وابيع كل اللي باعوني
تكمل حياتنا
انتقام
ومش حرام
نقضيها هروب
ونقول نصيب ونقول مكتوب
نخاف الناس ونخبي التمني
يموت احساس كان عايز يغني
واللوم عليكي يا حبيبتي
ليه ترضي بفراقي
في عنيكي ضلت سفينتي
ولا همك اشتياقي
هاين عليكي تسيبيني
وتنسي كل يوم اسمي
هانت روحي وسنيني
وانا وشمك على جسمي
لسه مش قادرة تفرقي
مين بيحبك بجد
لسه خايفة تعشقي
وتردي ليا النبض
لو عايزة البعد
انا هبعد انا همشي
وان عايزة الود
شيلي الدمعة من وشي
مينفعشي
تكوني حبيبتي من بعيد
مينفعشي
اصوم سنين ماشوفش عيد
اكيد عايزك تضميني
ومعاكي افضل او
امشي
اكيد نفسي تحسيني
ترشي الروح على نعشي