(دموع في الماء) = الشاعر / عبدالله السايح --- تحياتى جدو عبدو
……… (دموع في الماء)……… .
الشمس بتموت
وتسيبني أنا وحدي
مجروحه بتفوت
على البحربتعدي
وجع الزمان بيشوط
في الجرح ويهدي
ينزل نزيفها خيوط
والموج بقى وردي
خجﻻن بلون العود
لما بكى في يدي
وحدي أبني سدود
في البحر من كدي
رجليا ليها حدود
يمكن في يوم يعطي
حبي اللي كان موجود
في البحر ضاع ودي
الموج خطف مولود
في الحب كان عهدي
يابحر إمتى تجود
يرجع سبب سعدي
والحب تاني يسود
يشفي المجروحين بعدي
الجرح بقى أخدود
للجرح مين يهدي
غير لما حبي يعود
للشمس يوم يرضي
في البحر أنا والعود
حاسين هنا أرضي
والشمس ليها وعود
تنزف ليوم تعطي
… ..(شعر)………
عبدالله السايح
ليست هناك تعليقات