\\ الحروب \\ -----------------------شاعر الغلابه ايمن البلاط
\\ الحروب \\
الحروب اخرتها ايه
غير الدمار
يتامه وارامل
فى كل شارع ودار
دبابات وطيارات
تقتل اطفال صغار
هو فين السلام
لما الكل بيستجار
بيحكوا عنه فى الأعلام
وكل نشرات الأخبار
دى ناس بعقولنا تلعب
ويعملونا بأستهتار
لازم ولابد وقفه
وناخد فيها قرار
ادى غزه بتنتهى
ستين سنه تحت الحصار
والكل فيها يستغيث
فين الأمان والأستقرار
عماله تنزف كل يوم
شهداء وابطال احرار
حوطوها من كل ناحيه
بسلك شايك واسوار
حتى اشجار الزيتون
راحت تحت اقدام الأستعمار
الحروب اخرتها ايه
غير الدمار
ادى العراق راحت
فى لحظه مننا
راحت فى غفوه م العرب
امتى نلم شملنا
نرجع تانى ايد واحده
حب الوطن فى دمنا
ولو طلب منا الشهاده
ارواحنا على كفنا
هات يلا ايدك فى ايدى
وخلى قلبك على قلبنا
دا وطنا الحبيب
اللى حضنه يلمنا
لو هتبعد وانا ابعد
يبقى هتضيع ارضنا
الحروب اخرتها ايه
غير الدمار
ليست هناك تعليقات