(( غلطت سامحيني )) للشاعر ~~~~~ علي شمس الدين

عامي

*غلطت سامحيني*

.............

غْلُطِتْ مرة معاكي سامحيني

جَرحتك باﻷمس ايدك عطيني

حياتي ما الى طعمي بلاكي

حلا صوتك على اﻷوصالْ زيني

نَبض ألبي اخد نسمة هواكي

وِعِي اﻹحساسْ حامل كل حنيني

بِصوت الشوقْ عيطلك ملاكي

شلح قربك قسا كنزة أنيني

بَعدني ما دِقت علقم جفاكي

اذا نْويتي الهجر رح تجرحيني 

شِفت شهد العمر عايش معاكي

عُيونك البحر قلبي السفيني

رِسي عشقي على مينا حلاكي

قبِل طلتك عتم كل المديني

انا نوري اخدتو من مساكي

صباحي من طلعتك ياسْميني

جَرحتك وْمعي وصفة دواكي

حلا اسمك على صفحة جَبيني

يَريتك ما تحرميني دفاكي

إنِ هْجرتي اجا سكينْ فيني

علي شمس الدين

25/11/2015