\\بس الاحساس\\---------------بقلم الشاعر / محمود مسعود
\\بس الاحساس\\
ــــــــــــــــــــــــــــــــــــــــــــ
شالوا ألدوا وجابوا شاهين
ألدوا قال مانتوش نافعين
يا خيبتكم يا خيبتكم
والله لو كنتم مين
كان زمان كان زمان
دا الفساد عمره ما يتهان
في وجود العصباجية
وانتعاش الحالنجية
وانتشار البصماجية
ماتجيش تقولي الٍفساد
اللي نقوله عمره مايتعاد
شخلل جيبك
قهوة الصبح
اوعي تيجي عندي وتكح
في الدرج ماشي
في ايدي ماشي
المصلحة ما يهمهاشي
كل ماتدفع ياحلو لحلوح
حاجتك تمشي ياخفيف الروح
اعمل حسابك منين ماتروح
اللحلوح اللحلوح
احسبها شطارة
ما تحسبش الغارة
علي جيوبك
يوم م الأيام دي حقارة
ماشي ف طريق من كام سنة
ماشي ف طريق
وقع الطريق أه بيا أنا وقع الطريق
واتكسرت رجلي وطلعت يانا أجري
زاحف علي أيدي ولا حدش بيا يدري
أه يانا يارجلي اتكسرت بدري
واطوف أطوف ع المستشفيات
ابكي أبكي ع العمر اللي فات
والهم يسري كالدمع بخدي
ياسكة الكورنيش
المطرة ماخلتكيش
ما بقتش قادر أفرق
بينك وبين الشنيش
وعواميد الكهربا
غرقت جوه الوبا
ماتت ناس
عاشت ناس
بس الاحساس
راح فين ياناس
شالوا ألدواجابوا شاهين
ألدوا قال مانتوش نافعين
يا خيبتكم يا خيبتكم
والله لو كنتم أنتم مين
ليست هناك تعليقات