( أصحي يا قلبي ) بقلمي/ابراهيم أحمد جابر -- تحياتى جدو عبدو
( أصحي يا قلبي )
بقلمي/ابراهيم أحمد جابر
------------------- ------
يا قلبي ياللي ساكت أمتي تفوق من الصدمه؟ ؟
نفسي يوم تكون ملكي وتبعد عنه لو مرة !!!!
ليه مالكك وبايعني؟ واخدك ليه مترجعلي ؟؟؟
ياما قاسيت كتير وياه ومشيتني ياقلبي وراه !
أصحى وفوق مفيش فايده ولو هنعيش على ذكراه.
أنت مهما كنت كبير متساعشي يا قلبي غير واحد
لسه هيقابلك كتير هاعملك بدل فاقد !!
لبسته يا قلبي حرير وفي حضنك ياما دفيته !
ياريت بقي خلاص تنساه زي أنا برضه ما نسيته !
أنسى الخاين إللي باع وعاش وياك خداع في خداع
وألاأنت عندك أمل أنك ترجع إللي ضاع !!
إللي راح عمره ما يرجع ليه هنعيش معاه في صراع.
""" أصحي يا قلبي بلاش أوجاع """
ليست هناك تعليقات