(( مستنياك )) للشاعر ~~~~~~ محمد ضباشة

قصيدة : مستنياك
محمد ضباشه
مستنياك لو غبت عنـى ميـت سنـه
ما إنت حياتى والحـب كلـه والهنـا

مستنياك مهما الليالـى قسيـت عليـه
وأنا وليلى ووحدتـى ودمـوع عنيـه
خايفة الكلام عن غربتك يطلـع أكيـد
والحب يهجر فـؤادى ويـروح بعيـد
وأرجع لحيرتى ووحدتى وعيون بتبكى
والذكريات تمر قصادى والقلب يشكى
وأسمع وأدارى ويألمنى كـلام كتيـر
وأتمنى أعرف سكتك وبقلبـى أطيـر
وأقول لقلبى يا قلبى فاضـل يوميـن
وكفاية يا عيونى بكا وحـزن وأنيـن
وأستنى نور الشمس يجى ألقاك معـاه
وقلبـى يلاقـى دنيتـه وينـول منـاه
مستنياك مهما الليالـى قسيـت عليـه
وأنا وليلى ووحدتـى ودمـوع عنيـة