ارحل/ بقلم مسعد أبو همسة
ارحل لــو كنت تـقـــدر . ع البعــد ان كــان مقـــدر
أنا مش هشغل بالي عليك ولاهتمني ليالي تعود
أبعد عـدي حدود أراضيـك . وأنا هعتبر انـك مفقـود
.
هـــاجـــر غــــادر .... ودع ناســـــك .. يـالا وروح
ســافر طـــــاير .... لـو سفـر الــطيران مسمـوح
.
مش هزعـل وأشتكي ... من نار الفــرقة وأنـــوح
ولا هبكـي بـحـــرقــة ... ألــم القـلب الـمـجــروح
ولا هتودد لك وأداديك ... واندب حـظ رماني عليك
ارحل لو سفرك يرضيك ... بعـدك مش هيبدد روح
.
هـــاجـــر غــــادر .... ودع ناســـــك .. يـالا وروح
ســافر طـــــاير .... لـو سفـر الــطيران مسمـوح
.
إن حبيت ترجــع تاني . مش هتلاقي في مكاني
غير مفــاتيح الـذكــري ... لأوكــرة اتسكت علي
باب كان مفتوح
.
وأنسي عيونك تلقاني . ولاتشوف يوم من أيامي
لواتخليت وأنت اللي بديت . تبعد عن قلب بطبعه
سموح
.
هـــاجـــر غــــادر .... ودع ناســـــك .. يـالا وروح
ســافر طـــــاير .... لـو سفـر الــطيران مسمـوح
ليست هناك تعليقات