||قبل الزمان بزمان||-------------------------------بقلم الشاعر محمد سالم
||قبل الزمان بزمان||
هون عليك يازمان إحنا بشر آآسيين
دايبين فى ذل وويل ولا بالأمان حاسين
عايشين وسط الهموم وإحنا يادوب ضايعين
ومات فينا الضمير ع الغدر متفقين
هون عليك يازمان لاخوف ولا نسيان
أصل الحقيقة موت وكل شىء بأوان
هون عليك يازمان لاضياع ولاحرمان
سهم الخيانة طوفان والموج صبح بركان
هون عليك يازمان أصل البشر ألوان
غضبوا عليك وباعوك والغدر بالمجان
قبل الزمان بزمان قالوا عليك خوان
ركبوا موج الحياه وإتداروا فى الأكفان
محمد سالم
ليست هناك تعليقات