ومين يقدر يكسر قلم *الشاعر أشرفے الشناويے

‎الشاعر أشرفے الشناويے‎ shared his photo.

الشاعر أشرفے الشناويے

ومين يقدر يكسر قلم

( يوسف و السجن )
وزع
قسم
في غنايم حربك
مين هيحاسبك
غير ربك
مستقوي
وقادر
جواك فرعون
ما تشيل عن وشك
غشك
قاعد ع الكرسي
وف إيدك
دم الغلبان
زيك أبليس
قاعد سلطان
وزع
قسم
في غنايم حربك
حواليك كام
دلدول
بينافق ويقول
يفتحلك بابك
تنزل علي ضهره
ويبوس إيدك
من قهره
يعملك أراجوز
ويقصقصلك
لب ولوز
علشان ما سنانك
تفضل تاكل
لحم الني
أقتل
على قد ما تقدر
علشان تفضل
حي
وزع
قسم
ف غنايم حربك
مين يقدر
ف البورصه
يضاربك
ما تقولى صلاتك
بس لمين
وسجودك
وركوعك
وآمين
لساك فاكر
إنك مخلوق
من طين
لساك فاكر
إنك بتنافس ربك
ف البنى آدمين
وزع
قسم
ف غنايم حربك
يوسف كان أصله
سجين
يوسف كان أصله..سجين !

الشاعر/أشرف الشناوي
البرامون _المنصورة