بخاف *-* بقلم / رضا الحكيم

بخاف والشمع قايد فى اوضتى

بخاف كل لما ابص فى صورتى

العمر بيزيد والنفس مكسوره

والناس عادة بتجيب فى سيرتى

شوفت يا زمن ايه اللى جرى

بقيت بسأل نفسى دا ليه ياترى

وانا حالى مكنش حالى

وكنت فى يوم حتة سكرى

كنت بنام واصحى بدرى

اقضى يومى وعلى بيتنا اجرى

كنت بخاف من الهوى يومها

كانت طفوله ومكنتش ادرى

عرفت الطيبه وكان عهد يومها

انى اصونها ولا فى يوم ادفنها

ولما عرفتك يا زمن

كان حق منى انى اخونها

بكيت ياما وكان البكا من غير دمعه

سمع صراخى ناس وكانت عمله مش سمعه

خلينى يا زمن اشوف نورك

وقيد لى بدل الظلام شمعه

‫#‏كلماتى_رضا‬