بحبها من غير ملام .........للشاعر محمد شرف

عشقتها .... أحببتها .... تغنيتُ فيها بالسلام

مصر العزيزة أمنا .. على كتفها أنا راح أنام

إنتى الحبيبة المؤمنة .. وإنتى الشعاع وسط الظلام

إنتى العُلا ياحنينة .. وإنتى المحبة والوئام

إنتى الأبية الصامدة .. وإنتى الكريمة بنت الكرام

أنا راح أغنى فى حب بلدى ولا أخاف ملام

مصر نادتلى وقالتلى .. غنى حبيبى للسلام

للسلام ؟؟!! قالتلى أيوة من غير كلام

من غير كلام ؟؟!! قالتلى أيوة شد الحزام

شديت حزامى .. شديت لجامى .. سكت الكلام

سكت الكلام ياحنينة ... ظهرت حقيقة .. ظهرت ألام

ظهرت ألام يامطببة .. وأنا أعمل إيه .. والله حرام

والله حرام ياروحى إنتى .. أشوف ولادك وسط الزحام

تايهين على أرضك يابلدى .. توهة مريض .. توهة سقام

يارب احفظها وصونها .. هيه المحبة .. هيه الهُيام

وطفى نار الشوق إليها .. وإمحى الخصام

فسوف تُشرقُ الشمس يوماً وينقشع الظلام