اخدنى الشوق للشاعر عونى هشام
لما خدنى شوقى فى يوم -
صحيت كانى نسيت النوم -
وليه يا نوم تخاصمنى
انا قلبى انخلع منى -
- رجعت انام وانا مهموم--
يمكن فى يوم يسامحنى
ياقبلى عشت ظلم كتير
وانا عارف ولا بيدى
كل ما اقول بلاش تقصير
يروح اليوم وبيعدى
اكون على نار وانا عارف
ظلمت كتير انا قلبى
عشان حبى انا الغلطان
وبرضة الذنب كان ذنبى
وذنبى انى عشقت معاك
قلب قاسى مش قلبك
اقول يا ريتنى انس هواك
الاقى نفسى بارجعلك
وليه ارجع ونفسى انساك
لقيت حنينى يشفعلك
انا غلطان وبترجاك
يا قلبى دا قلب يلعب بك
وبكرة تشوف وتسمعنى
وتعرف ذنبى من ذنبك
ليست هناك تعليقات